حاورها / محموددرويش
تأخر تطور ونمو لغة الأطفال أصبحت أزمة العصر، بعضها مرتبط بالتقدم التكنولوجي الهائل الذي نعيش فيه، وترك الطفل يتعايش مع هذه التكنولوجيا دون التفاعل مع الوالدين.
ولمعرفة الأسباب الحقيقية، حاورت “شبكة مستقبل مصر ” الاستاذة ماري رمسيس، اخصائيه التخاطب وتنميه المهارات واستشاري الصحه النفسيه اطفال ومراهقين حول أسباب تأخر نطق الطفل للكلام وطرق العلاج.
– بداية.. متى يقال إن الطفل متأخر في النطق؟
لو ابنك عنده سنتين او ثلاثه وبيتكلم كلمات بسيطه يبقي اكيد متأخر لغويا….لازم اعرف حياته شكلها ايه؟
*هل الطفل ينفذ أوامر اول ما تقولي وبيكون فهمك
*هل لما بتندهي عليه بيبصلك وينتبهلك؟
*هل بتنفذي طلباته قبل مابتكلم أو يشاورلك عليها
*هل بيروح حضانه ولا لأ ؟
*هل بيتفرج علي تيلفزيون أو الموبيل علي طول؟
لازم الاول نجاوب علي الاسئله دي كلها ….وطبعا لازم نسأل هل في مشاكل صحيه قبل أو أثناء أو بعد الولاده؟
لو فيه مشاكل يبقي كده عرفنا سبب التأخر وهنا هيبقي محتاج فريق عمل يشتغل معاه تنميه مهارات وتخاطب وتخصصات تانيه إذا تطلب الأمر…..
– وما أسباب تأخر النطق عند الأطفال؟
*الضعف السمعي….وهو أهم اسباب تاخر نمو اللغه وذلك لأن حاسه السمع هي الحاسه الاساسيه في اكتساب اللغه
*الاصابه الدماغية المنتشره……الاسم الجديد للشلل الدماغي وهو خلل في الجهاز العصبي المركزي
*التأخر العقلي……أن الطفل يتعامل بطريقه لا تتناسب مع سنه
*لو الطفل عنده اضطراب ذي توحد أو فرط حركه أو المتلازمات ذي (متلازمه الداون)
*الصرع ….خلل في الجهاز العصبي المركزي
*الحرمان البيئي …. من اسبابها التعرض المفرط للشاشات دون تواصل حقيقي في الحياه الطبيعيه
*اضطرابات التواصل الاجتماعي……(الاسبرجر)
*وهناك أسباب اخري وارد ظهورها في المستقبل نتيجه لتطور العلم
– وكيف يتم تحديد تأخره في الكلام؟
عن طريق عرض الطفل علي متخصص وإجراء اختبار اللغه المناسب لعمر الطفل لتحديد نقاط الضعف ولمعرفه عمره اللغوي
– وما الذي يحدث إذا كان الطفل متأخر لغويًا فقط؟
مشكلة تاخر النطق عند الأطفال مش بس بتأخر نطقه ولكن للأسف بتأخر معاها مهارات كتير زي التفاعل الأجتماعي وضعف الأدراك والتركيز
وزيادة التشتت
وحدوث سلوكيات غير مرغوب فيها (عصبيه..الصريخ…..رمي الادوات أو نفسه علي الارض)لانه مش عارف يعبر عن احتيجاته
وضعف التحصيل الأكاديمي
وانخفاض المستوي الدراسي
الطفل الذي يعاني من تأخر النطق بيكون محتاج مساعده
وتدخل لعلاج المشكله
– وماذا إذا كان الطفل غير طبيعي؟
ذي ما قولنا قبل كده في اسباب تاخر اللغه وجود اضطرابات أو اعاقه ذهنيه
لو الطفل
** طيف توحد….هو اضطراب قد يتمتع فيه الطفل بمستوي ذكاء عالي او متوسط او ضعيف ولا يدل ذلك علي مستوي القدرات اللغويه للطفل وذلك لأنه اضطراب في التواصل في المقااااام الاول وكذلك
** اطفال فرط الحركه وتشتت الإنتباه
**المتلازمات ……متلازمه وراقيه والتي كثيرا مايصاحبها تأخر عقلي وقد لاتكون المتلازمه هي التي تسبب التأخر اللغوي ولكن انخفاض القدرات العقليه هي المسببه لذلك وأشهر المتلازمات علي الاطلاق (متلازمه الداون)
**الصرع….هو خلل في الجهاز العصبي المركزي ويحدث نتيجه كهرباء زائده في المخ
– كم مرة يخضع الطفل لهذه الجلسات؟
هي مش قاعده ثابته أو موحده حسب حاله كل طفل واستجباته وقدراته بس لازم التوجه للكشف والتقييم فورا عند دكتور أو أخصائي تخاطب ..
ومش بالضروره ابنك هياخد جلسات تخاطب
هنا الاخصائي يحولك للكشف فورا لان ممكن يكون السبب عضوي يعني مثلا ضعف سمع او التهابات في الأذن أو طفلك مش بيسمع عند مستوي ترددات معينه للصوت ..
وهنا يجب تدخل دوائي وعلاجي
– إذن.. أخبرينا عن الدور الذي يلعبه المنزل في مساعدة تطور
مهارة الكلام عند الاطفال
اولا يكون معاكي في كل مكان أنتي موجوده فيه
_ ماتسبيش الطفل لوحده ابدا
_ أقفلي جميع الشاشات
_ كلميه عن كل فعل بيعمله في يومه
_ سمي له أسماء كل شئ محيط بيه
_ احكيله أنتي هتعملي أيه النهارده
_ احكيله أفكارك
_ خليه يساعدك وأنتي بتطبخي
_ نزليه معاكي يشتري ويحاسب البقال
_ صوريه وهو بيلعب وهو بياكل وهو بيجري وبعدين اتناقشو سوا في الصور دي
_ نزليه حضانه لو سنه يسمح
_ شاركيه في اللعب
_ اعملو تبادل الأدوار
_ اديله فرصه يعبر عن نفسه
_ تاني وقفي الشاشات
_ اخرجو كتير
_ عرفيه اسماء الأماكن والأفعال
_ وديه جنينة الحيوانات
_ اركبو مواصلات زي المترو والاتوبيس والمركب
مش ضروري نركب عربيتنا بس
_ ساعديه يكون صدقات ويلعب لعبه جماعيه
_ شاركيه في كل حاجه هو بحبها
_ عرفيه أسماء الأكلات وأبتدي بالأكلات اللي بيحبها
– لماذا تشكل الوسائل الإلكترونية خطورة على الطفل؟
لما بنترك الأطفال قصاد التلفزيون أو الموبايل بالساعات و مش مقدرين إن ده سبب رئيسي من أسباب تأخر نمو اللغة عند أولادكم و بيحولهم لشخص مستقبل بس يعني معندوش فرصه انه يعبر…
الإلكترونيات بشكل عام بتسبب تأخر في نمو و تطور اللغه – تشتت في الإنتباه – تعلم سلوكيات سلبيه.
– وهل هناك مدة محددة لمشاهدة الأطفال للتلفاز أم لا؟
لما بنترك الأطفال قصاد التلفزيون أو الموبايل بالساعات و مش مقدرين إن ده سبب رئيسي من أسباب تأخر نمو اللغة عند أولادكم و بيحولهم لشخص مستقبل بس يعني معندوش فرصه انه يعبر…
الإلكترونيات بشكل عام بتسبب تأخر في نمو و تطور اللغه – تشتت في الإنتباه – تعلم سلوكيات سلبيه.
– وماذا عن المكملات الغذائية لمساعدة الطفل على الكلام؟
نقص الفيتامينات
_ بيأثر علي أدراك الطفل
_ بيأثر علي التفاعل
_ بيأثر علي التواصل
_ بيأثر علي الانتباه والتركيز
_ بيأثر علي صحة الطفل العامه
.. فأيضا هيأثر علي النطق …..
لاكن لازم ناخد بالنا أن الدكتور فقط هو اللي يشرف علي الأدوية وليس الاخصائي
– ومتى نتحدث مع
خلينا نكون متفقين أن كل ماكان التدخل مبكر كل مكان افضل من بدايه الشهور أو السنه الاولي للطفل لانه هنا بيخزن الكلام والمعلومات واول مايكون قادر علي تسميه هيسمي كل شي هو خزنه كالغه تعبيريه
– هل هناك انواع للغة؟
اللغه تنقسم اللي قسمين
الغه استقباليه….وهي عباره عن فهم الطفل للغه
اللغه الاستقباليه تسبق اللغه التعبيرية
اللغه التعبيرية….وهي عباره عن تسميه الطفل بعد إدراكه للغه في مرحله اللغه الاستقباليه
بمعني أن الطفل الاول يفهم الشي وبعد كده يسمية
كلمة اخيرة لقراء ومتابعين الموقع
في اخر اللقاء احب أوجه كل الشكر لموقع شبكة مستقبلمصر علي اهتمامها بأهم المشاكل والقضايا الهادفه اللي تخص كل الاسره المصريه
كل الشكر للاستاذ.محمود درويش علي الحوار الممتع وتناول اهم الاسئله الهادفه
