Arabic Dutch English French German Japanese Portuguese
FacebookTwitterDiggGoogle BookmarksLinkedinRSS Feed
< أسعار العملات : دولار أمريكى ** بيع:17.79 شراء 17.69 جنية إسترلينى ** بيع :24.185. شراء:23.885 يورو : بيع 21.291 شراء : 21.036ريال سعودى : بيع :4.743 شراء : 4.716 درهم إماراتى : بيع:4,843 شراء :4.843 دينار كويتى : بيع :58,991شراء :58.644

الأربعاء, 14 تشرين1/أكتوير 2020 13:01

تمنا رخيص !

كتبه 

 

 

 

شعر / محمد عبد الجواد 

 

يا قطر الموت بلاش تجرى 

وهدي شوية نزلنى 

خلاص العمر ضاع بدرى 

ووطاويطك محاوطينى 

أنا الشقيان عشان قوتى 

وطول العمر مستنى 

وأنا المتهان على سكوتى

وأيامى مخاصمنى

وأنا التعبان من الايام 

وقضبانك ما رحمينى

يا بلدى انت ليه قاسية

بلاش القسوة ما تحنى

أنا اللى دوقت مر الصبر 

وأملي يا ناس مات منى 

أنا يوماتى بادوس ع الجمر 

وحلم حياتى مستنى 

حلمت أعيش حياة تانية

وحلمى راح خدوه منى 

أنا الغلبان فى قطر الموت

وأنا الدمعة اللى فى عيونك

أنا اللى عشت أحبك موت

وأنا اللى غرقت فى ديونك

أنا اللى صرخ بعلو الصوت

وصوتى اتحاش

أنا التوتة وأنا الساقية

وأنا التور اللى ما اتغماش

أنا السارح مع الملكوت

عشان اخطف رغيف العيش

وأنا اللى هدنى بردك

ومستكتر عليا الخيش

أنا الشقيان على بابك

ومن عرقى عاملك جيش

أنا اللى الظلم شردنى

ومستكتر عليا أعيش

اقوم الصبح متوكل على المولى

عشان اكسب لى كام ملطوش

ومفرمة الزمن قاسية

وعمرى ضاع ولا لحقتوش

حرمتينى ما قولتش اه

دبحتينى ما قولتش اه

ومستحمل هوان صدك

وعشمى كان امان ودك

ودمى اتصفى على يدك ولا شفتوش

أنا اليائس انا البائس

أنا ضحية جبروتك

أنا المعجون بطين الأرض

أنا المى صدى صوتك

أنا اللى الكل ظلمونى

وعمرى راح فدا سكوتك

يا بلدى ليه تمنا رخيص

وبخلانا علينا ليه

فى زمن الشفط والتهجيص

ولما تشوفى مشاكلنا

تقولى دى عايزة حل عويص

وخيرك يشفطوه غيرنا

على الطبلة مع الترقيص

ولو فكرنا يوم نغضب

يقولوا علينا روحنا فطيس

مفيش عندى كلام تانى 

فى زمن اللطم والتجريس

سأجمع كل اشعارى وأحرقها

وارحل مثل ضوء الشمس

وأيامى سأسرقها

واشتهى الموت عل الموت يعتقها

فلا جابى سيبيها

ولا فاحش سيزنيها

ولا شيخ يباركها

ولا راوٍ سيرويها

إنى سأرحل يا بلادى مرغما

وأموت فيكى يا بلادى مرغما

لا خير يبقى يا بلادى مثمرا

ما دام ابنك صار كلا مهملا

وسائط

المزيد من الاخبار

الأربعاء, ۲۵ تشرين۲/نوفمبر ۲۰۲۰
الأربعاء, ۰۹ ربيع الثاني ۱۴۴۲